უმუშევრობა 0.1 პროცენტით შემცირდა - სტატისტიკის ეროვნული სამსახური
2017 წელს უმუშევრობა 0.1 პროცენტით შემცირდა და 13.9 პროცენტს შეადგენს, - ამის შესახებ დღეს გამართულ ბრიფინგზე საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ განაცხადა. მისი თქმით, ბოლო 13 წლის განმავლობაში უმუშევრობა ყველაზე დაბალია. მონაცემების თანახმად, 2009 წლის შემდეგ უმუშევრობის კლება ფიქსირდება.
