ჰოლივუდს მოუწოდებენ არატრადიციული ორიენტაციის მქონე პერსონაჟების მონაწილეობით ფილმების გადაღება 50 პროცენტამდე გაზარდოს
ლგბტ თემის წარმომადგენელთა უფლებადამცველმა საზოგადოებრივმა ორგანიზაციამ GLAAD-მა ჰოლივუდი გააკრიტიკა იმის გამო, რომ ის მცირე რაოდენობით უშვებს ფილმებს, სადაც არატრადიციული ორიენტაციის მქონე პერსონაჟები მონაწილეობენ.
GLAAD-ის წევრებმა წარმოადგინეს ანგარიში, რომლის თანახმად, 2017 წელს ასეთი სახის მხოლოდ 109 ფილმი გამოვიდა, რომლებიც მხოლოდ შვიდმა კინოკომპანიამ გადაიღო. შედეგად მსგავსი ფილმების წილმა საერთო რაოდენობის მხოლოდ 12,8 პროცენტი შეადგინა. ისინი ჰოლივუდს მოუწოდებენ 2021 წლამდე მათი რაოდენობა 20 პროცენტამდე, 2021 წლიდან კი 50 პროცენტამდე გაზარდოს.
