დღეს თბილისის საკრებულო ვარდების მოედნისთვის სახელის შეცვლის საკითხს უყრის კენჭს
დღეს თბილისის საკრებულო ვარდების მოედნისთვის სახელის შეცვლის საკითხს უყრის კენჭს. როგორც ცნობილია, საკრებულოს სახელდებისა და სიმბოლიკის კომისია ვარდების მოედნისთვის ახალ სახელზე ორი დღის წინ შეჯერდა. კომისიის გადაწყვეტილებით, მოედანს პირველი რესპუბლიკის სახელი ეწოდება.
სახელდებისა და სიმბოლიკის კომისიის სხდომას პროტესტის ნიშნად არ დასწრებიან ფრაქციების „ნაციონალური მოძრაობისა“ და „ევროპული საქართველოს“ წევრები.
მათი თქმით, საკრებულოს უმრავლესობა ვარდების რევოლუციის მომენტს ებრძვის საქართველოს ისტორიაში.
