ზუგდიდის ინფექციურ საავადმყოფოში ოკუპირებული გალიდან 50 წლის ქალი გადაიყვანეს
ზუგდიდის ინფექციურ საავადმყოფოში ოკუპირებული აფხაზეთიდან, ქალაქ გალის მკვიდრი, 50 წლის ქალი გუშინ გადაიყვანეს.
გავრცელებული ინფორმაციით, ის რუსეთში იმყოფებოდა და აფხაზეთის გავლით, ზუგდიდში ბრუნდებოდა.
ქალს რესპირაციული ვირუსის სიმპტომები, ცხელება და ხველა აღენიშნება. პაციენტი ბოქსირებულ პალატაში მოათავსეს. ექიმების განცხადებით, მისი მდგომარეობა ამ დროისთვის სტაბილურია.
ანალიზები დღეს ლუგარის ლაბორატორიაში გადაიგზავნება და დამატებითი ინფორმაციაც დღეს გახდება ცნობილი.
