რუსთავის საკრებულოს ერთ-ერთი  წევრის დედას კორონავირუსი დაუდასტურდა. ამ შემთხვევასთან დაკავშირებით თვითიზოლაციაში არიან რუსთავის საკრებულოს წევრებიც.

მიმდინარეობს კონტაქტების კვლევა, ვისაც შეხება ჰქონდა საკრებულოს იმ წევრთან, რომლის მშობელსაც კორონავირუსი დაუდგინდა.

რუსთავის მერის ირაკლი ტაბაღუას განცხადებით, ამ ეტაპზე 45-მდე პირია იდენტიფიცირებული.

„ბოლო ერთი კვირის განმავლობაში მე პირადად მასთან კონტაქტი და შეხება არ მქონია. ჩვენ კონსულტაციების საფუძველზე გუშინვე, დაახლოებით 11-ის ნახევრიდან დავიწყეთ იდენტიფიცირება იმ ადამიანების, რომელთანაც მას კონტაქტი ჰქონდა, ოთხშაბათი, ხუთშაბათი, პარასკევი, ამ დღეებზეა საუბრი. იდენტიფიცირებული ადამიანები გაფრთხილებული არიან და ამ წუთას იმყოფებიან თვითიზოლაციაში. ჩვენ ველოდებით ანალიზის პასუხს ამ პიროვნების, ვიზეც ჩვენ ახლა ყველა ვსაუბრობთ. დანარჩენი შიდა მონიტორინგი ახდენს მოკვლევას. დაახლოებით, 40 ადამიანის იდენტიფიცირება მოხდა, დაემატა კიდევ ხუთი ადამიანი“, – განაცხადა ირაკლი ტაბაღუამ.

საკრებულოს წევრის დედა ეროვნული ბანკის თანამშრომელია, რომელსაც კიდევ ექვს თანამშრომელთან ერთად COVID-19 დაუდგინდა.