უკრაინაში ეკლესიის მიერ აღდგომის დღეს საკარანტინო რეჟიმის დარღვევისთვის რამდენიმე საქმე აღძრეს
უკრაინაში სამართალდამცველებმა მოსკოვის საპატრიაქროს დაქვემდებარებული მართლმადიდებლური ეკლესიის მიერ აღდგომის დღეს საკარანტინო რეჟიმის დარღვევისთვის ხუთი საქმე აღძრეს. ინფორმაციას უკრაინის შინაგან საქმეთა მინისტრის მრჩეველი ზორიან შკირიაკი Facebook-ზე ავრცელებს.
მანამდე გავრცელდა ინფორმაცია, რომ უკრაინელმა სამართლადამცველებმა დონეცკის ოლქში სვიატიგორსკის ლავრაში სააღდგომო ლიტურგიაზე მორწმუნეების შეკრების გამო საქმე აღძრეს და კიდევ სამ მსაგვს შემთხვევაზე მასალების შეგროვება დაიწყეს.
ბოლო მონაცემებით, უკრაინაში ინფიცირებულია 5 710 ადამიანი, გარდაიცვალა 141, ხოლო გამოჯანმთელდა 347 პაციენტი.
