ჩინეთში ბოლო 24 საათში კორონავირუსის მხოლოდ 11 ახალი შემთხვევა დადასტურდა. გამოჯანმრთელდა 48 პაციენტი. არ დაფიქსირებულია გარდაცვალების არც ერთი შემთხვევა. მონაცემებს ჩინეთის ჯანდაცვის სახელმწიფო კომიტეტი ავრცელებს.

აღნიშნულია, რომ 11 შემთხვევიდან, ხუთი იმპორტირებულია, ექვსი კი შიდა გადაცემაა. ამ დროისათვის, ჩინეთში სულ დაფიქსირებულია კორონავირუსის 1 634 იმპორტირებული შემთხვევა.  გამოჯანმრთელდა 940 პაციენტი. ჩინეთში ჩასული ინფიცირებულის გარდაცვალების არც ერთი შემთხვევა ფიქსირდება.  

ეპიდემიის კერაში - ხუბეის პროვინციაში კორონავირუსის არც ერთი შემთხვევა გამოვლენილა.

ამ დროისათვის, ჩინეთში დადასტურებულია კორონავირუსის 83 909 შემთხვევა, გარდაიცვალა 4 512 პაციენტი, გამოჯანმრთელდა 78 175 ადამიანი.