თბილისის ინფექციური საავადმყოფოს კლინიკური დირექტორის მარინა ეზუგბაიას განცხადებით ახალი შემთხვევებიდან კლინიკას 7 პაციენტი დაემატა, ყველას წყარო ცნობილია.

საავადმყოფოში ამ დროისთვის 68 პაციენტია, მათგან კორონავირუსი 47-ს აქვს დადასტურებული,  ახალი შემთხვევებიდან ერთი პაციენტის მდგომარეობა მძიმეა, ის ასაკოვანი პირია, რომლის მდგომარეობაც კრიტიკულია, რადგან მას თანმხლები მძიმე ჰიპერტონიული დაავადებაც აქვს და მაღალი რისკის მატარებელია. საავადმყოფოში 5 პაციენტს მძიმე პნევმონია აქვს

ბოლო მონაცემებით, საქართველოში კორონავირუსის 582 შემთხვევაა დადასტურებული. გარდაიცვალა 8 ადამიანი, გამოჯანმრთელდა 207 პაციენტი.