ზედიზედ მეორე დღეა ესპანეთში კორონავირუსით გარდაცვლილთა დღიური რაოდენობა 200-ზე ნაკლებია. მონაცემებს ქვეყნის ჯანდაცვის სამინისტრო ავრცელებს.

ბოლო 24 საათში დაფიქსირდა 164 ლეტალური გამოსავალი, იგივე მაჩვენებელი იყო წინა 24 საათში, გარდაცვლილთა საერთო რაოდენობა 25 428-ს შეადგენს.

ბოლო ერთ დღეში გამოვლინდა კორონავირუსის 356 ახალი შემთხვევა, საერთო ჯამში ესპანეთში COVID-19-ით ინფიცირების 218 ათასზე მეტი შემთხვევაა დადასტურებული.

ამასთან, გამოჯანმრთელებულთა დღიური რაოდენობა მნიშვნელოვნად აჭარბებს ინფიცირებულთა რიცხვს. გასულ 24 საათში კორონავირუსისგან განიკურნა 2 441 ადამიანი. საერთო ჯამში გამოჯანმრთელებულთა რაოდენობამ უკვე 121 თასს გადააჭარბა.