კორონავირუსი თვითონ გაქრება - დონალდ ტრამპი
შეერთებული შტატების პრეზიდენტი დონალდ ტრამპი დარწმუნებულია, რომ კორონავირუსი საბოლოო ჯამში თვითონ გაქრება.
„მე უბრალოდ ვეყრდნობი იმას, რასაც ექიმები ამბობენ. ისინი ამბობენ, რომ ის წავა. ეს არ ნიშნავს, რომ ის წავა წელს, შემოდგომაზე ან შემოდგომის მერე. რაღაც მომენტში, შესაძლოა, ის თვითონ გაქრეს. მაგრამ თუ ჩვენ გვექნება ვაქცინა, ეს უკეთესი იქნება“, - განუცხადა ტრამპმა ჟურნალისტებს.
