აშშ-ის პრეზიდენტმა დონალდ ტრამპმა პორტალ Axios-თან ინტერვიუში ახლო აღმოსავლეთში არმიის გაგზავნას შეერთებული შტატების ისტორიაში უდიდესი შეცდომა უწოდა.

 „ჩვენ გავანადგურეთ „ისლამური სახელმწიფო“... ამ ხალიფატის 100 პროცენტი... ჩვენ მოვაშორეთ სულეიმანი (ირანელი გენერალი ქასემი), ალ-ბაღდადი („ისალმური სახელმწიფოს“ ლიდერი აბუ ბაქრ)... მე გავაკეთე ის, რაც არ გაუკეთებიათ სხვა პრეზიდენტებს. მათ საერთოდ არასდროს უღირდათ ახლო აღმოსავლეთში შესვლა“, - განაცხადა ტრამპმა.

 „ახლო აღმოსავლეთში ჯარის გაგზავნა და მათ საქმეში ჩარევა იყო ერთადერთი უდიდესი შეცდომა ჩვენი ქვეყნის ისტორიაში“, - დასძინა ამერიკის პრზეიდენტმა.