ესტონეთის პრემიერ იური რატასს მიაჩნია, რომ ევროკავშირმა ბელარუსში მიმდინარე მოვლენებს მკაცრი პასუხი უნდა გასცეს. მისი აზრით, ქვეყნის ხელისუფლება ოპოზიციის წინააღმდეგ პოლიტიკურ რეპრესიებს ატარებს.

მან მხარი დაუჭირა პოლონეთის წინადადებას გაიმართოს ევროსაბჭოს რიგგარეშე სამიტი ბელარუსის არჩევნებთან დაკავშირებით. „უკვე ხვალ, (პარასკევს) ამავე თემაზე ერთმანეთს შეხვდებიან ევროსაბჭოს ქვეყნების საგარეო საქმეთა მინისტრები. ევროკავშირის პასუხი ბელარუსში მიმდინარე პროცესებზე უნდა იყოს ერთიანი, დროული და მკაცრი“, - განაცხადა ესტონეთის პრემიერმა პრესკონფერენციაზე.

მან აღნიშნა, რომ ესტონეთი გმობს ოპოზიციის მიმართ ყველანაირ პოლიტიკურ რეპრესიას და ძალადობას, ასევე მოითხოვს დაუყოვნებლივ შეწყდეს ძალადობა საპროტესტო აქციების მონაწილეთა მიმართ.

ბელარუსში მეოთხე დღეა არ წყდება საპროტესტო აქციები, რომლის მონაწილეებიც არ ეთანხმებიან 9 აგვისტოს გამართულ საპრეზიდენტო არჩევნების შედეგებს. ცესკოს  წინასწარი მონაცემებით ქვეყნის მოქმედმა პრეზიდენტმა ალექსანდრ ლუკაშენკომ ხმათა 80,09 პორცენტი დააგროვა, მისმა პოლიტიკურმა მოწინააღმდგემ კი - 10,0%.

საპროტესტო აქციების დროს დაიღუპა ერთი ადამიანი, 200-ზე მეტი ადამიანი დაშავდა. დაკავებულია 7 თასამდე მოქალაქე.