ევროპარლამენტი ბელარუსის პრეზიდენტის არჩევნებს არ აღიარებს და ალიაქსანდრ ლუკაშენკას ლეგიტიმურ პრეზიდენტდ არ მიიჩნევს. ამის შესახებ ნათქვამია შესაბამის რეზოლუციაში, რომელიც ევროპარლამენტის პლენარული სესიაზე მიიღეს.

 „ხაზს ვუსვამთ, რომ ევროპარლამენტი ევროსაბჭოს პოზიციის შესაბამისად უარყოფს ბელარუსის 9 აგვიტოს ე.წ. საპრეზიდენტო არჩევნების შედეგებს, იმის გათვალისწინებით, რომ ეს არჩევნები ჩატარდა საერთაშორისოდ აღიარებული ნორმების აშკარა დარღვევებით და არ აღიარებს ალიაქსანდრ ლუკაშენკას ბელარუსის პრეზიდენტად“, - წერია დოკუმენტში.

ევროპარლამენტის დეპუტატები  სექტემბრის პლენაურ სესიაზე 14-17 სექტმებერს სხვა თემებთან ერთად განიხილავდნენ ბელარუსში შექმნილ ვითარებას, ასევე ალექსეი ნავალნისა და რუსეთთან ურთთიერთობის საკითხებს.  

თვეზე მეტია ბელარუსში გრძელდება მასობრივი პროტესტი საპრეზიდენტო არჩევნების შედეგების წინააღმდეგ, რომელშიც გამარჯვებული გამოცხადდა ამჟამინდელი სახელმწიფოს მეთაური ალიაქსანდრ ლუკაშენკა, რომელიც ამ თანამდებობას 1994 წლიდან იკავებს.

არჩევნები 9 აგვისტოს გაიმართა. ცესკოს მიერ დამტკიცებული შედეგების თანახმად, ამომრჩეველთა 80.1% -მა ხმა მისცა ლუკაშენკას, 10.12% - მის მთავარ მოწინააღმდეგეს სვიატლანა ციხანოუსკაიას.