ევროპარლამენტი ევროკავშირის წევრ-ქვეყნებსა და სხვა ინსტიტუციონალურ და ბიზნეს-სტრუქტურებს მოუწოდებს შეწყვიტონ გაზსადენ „ჩრდილოეთ ნაკადი 2“-ის მშენებლობის დასრულება და გადახედონ სხვა ანალოგიურ ორმხრივ პროექტებს ალექსეი ნავალნისთან დაკავშირებული ვითარების გამო. ნათქვამია რეზოლუციის ტექსტში, რომელიც ევროპარლამენტარებმა პლენაურ სესიაზე მიიღეს.

ევროპარლამენტმა მოითხოვა ზომების გამკაცრება რუსეთის ფედერაციის წინააღმდეგ ოპოზიციონერ ალექსეი ნავალნის მოწამვლის გამო.

 „ევროპარლამენტი დაჟინებით მოუწოდებს ევროკავშირის ინსტიტუტებსა და ყველა წევრ-სახელმწიფოს შეწყვიტონ გაზსადენ „ჩრდილოეთ ნაკადი2“-ის მშენებლობის დასრულება, რათა თავიდან იყოს აცილებული ევროპის დამოკიდებულების გაძლიერება რუსულ ენერგომატარებლების მიწოდებაზე, არ მიეცეს რუსეთს შესაძლებლობა სარგებლის მიღების და თავისი აგრესიული საგარეო პოლიტიკისა და სამხედრო ინტერვენციის დაფინანსების, ევროკავშირში ენერგორესურსების ასეთი ექსპორტით მიღებული შემოსავლის ხარჯზე“, - ნათქვამია რეზოლუციაში.

ალექსეი ნავალნი შეუძლოდ 20 აგვისტოს, ტომსკიდან მოსკოვის მიმართულებით ფრენის დროს, გახდა. თვითმფრინავმა საგანგებო დაშვება ომსკის აეროპორტში მოახდინა. ოპოზიციონერი კომატოზურ მდგომარეობაში ომსკის საავადმყოფოს რეანიმაციულ განყოფილებაში მოათავსეს. 22 აგვისტოს იგი გერმანიაში, ბერლინის "შარიტეს" კლინიკაში გადაიყვანეს სამკურნალოდ.

2 სექტემბერს გერმანიის ხელისუფლებამ განაცხადა, რომ ნავალნის ორგანიზმში აღმოჩენილია ქიმიური ნივთიერება "ნოვიჩოკი", რომელიც პირველად სერგეი სკრიპალისა და მისი ქალიშვილის მოწამვლის დროს გახდა ცნობილი, 2018 წლის მარტში.
რუსეთის ხელისუფლება მტკიცედ უარყოფს ნავალნის მოწამვლასთან რაიმე სახის კავშირს.

ნერვული აგენტი "ნოვიჩიკი" თავდაპირველად საბჭოთა ლაბორატორიებში შეიქმნა, მოგვიანებით იგი განავითარეს რუსმა მეცნიერებმა. საწამლავი ანადგურებს ადამიანის ნერვულ სისტემას.