ისრაელეში, კორონავირუსის გავრცელების გამო განმეორებითი საყოველთაო კარანტინი ძალაში შევიდა. კარანტინი სამი კვირით დაწესდა, თუმცა ის შესაძლოა კიდევ გაგრძელდეს. შეზღუდვები იმოქმედებს შემოდგომის ებრაულ დღესასწაულებზეც.

ქვეყანაში ამოქმედდა შეზღუდვები მოქალაქეების გადაადგილებაზე. მოქალქეებს ეკრძალებთ საცხოვრებელ სახლებს 1000-ს მეტრზე მეტად მოშორდნენ.

დაშვებულ მანძილზე შესაძლებელია სკვერებსა და საბავშო მოედნებზე სეირნობა.

სახლებიდან ერთ კმ-ზე მეტი მანძილით მოშორება შესაძლებელია მხოლოდ სამსახურში, მაღაზიაში, აფთიაქში, დაკრძალვაზე, წინადაცვეთის რიტუალზე, სასამართლოში, ქნესეთში ან დონორთთა პუნქტში   წასასვლელად.

სახლის დატოვების საპატიო მიზეზად მიიჩნევა რელიგიურ დღესასწაულებზე დასწრება.

ამასთან, იკრძალება სტუმრად წასვლა, სანაპიროებზე დასვენება, დახურულ სივრცეში,10-ზე მეტიი, ხოლო ღია სივრცეში 20-ზე მეტი ადამიანის შეკრება. საზოგადოებრივი ტრანსპორტი და საწარმოები შეზღუდვებით იმუშავებს.

დაიხურა საგანმანათლებლო და გასართობი დაწესებულებები, ასევე კაფეები, რესტორნები და სპორტული დარბაზები. მუშაობა შეწყვიტეს სავაჭრო ცენტრებმა და სილამაზის სალონებმაც.

ბოლო 24 საათში ისრაელში კორონავირუსის 6 ათასი შემთხვევა გამოვლინდა. პანმდემიის დაწყებიდან ქვეყანაში ვირუსს 1 169 ადამიანი ემსხვერპლა. ინფიცირების შემთხვევათა რაოდენობა საერთო ჯამში 176 933- შეადგენს.

 ისრაელი მსოფლიოში პირველი ქვეყანაა, რომელმაც საკარანტინო რეჟიმი მეორედ აამოქმედა.