სომხეთის პრემიერ-მინისტრი ნიკოლ ფაშინიანი აზერბაიჯანს მთიან ყარაბაღზე თავდასხმაში ადანაშაულებს.

მისი თქმით, აზერბაიჯანის შეიარაღებულმა ძალებმა დაიწყეს თავდასხმა "მთიანი ყარაბაღის რესპუბლიკაზე".

"მტერმა დაიწყო შეტევა არცახზე [მთიანი ყარაბაღი]. თავდაცვითი არმია წარმატებით უმკლავდება შეტევას. საგანგებო სიტუაციაა შექმნილი", - განაცხადა ფაშინიანმა.

სომხეთისა და აზერბაიჯანის საზღვარზე ვითარება დღეს დილიდან უკიდურესად დაიძაბა. მხარეები ერთმანეთს სამხედრო თავდასხმაში ადანაშაულებენ.

აზერბაიჯანის თავდაცვის სამინისტრო იუწყება, სომხეთის მხრიდან დღეს დილით ფართომასშტაბიანი შეტევა განხორციელდა.

სომხეთი აცხადებს, რომ აზერბაიჯანმა დაიწყო შეტევა მთიან ყარაბაღზე.