აზერბაიჯანის თავდაცვის სამინისტროს ინფორმაციით, არაღიარებულ მთიან ყარაბაღში საომარი მოქმედებების შედეგად დაღუპულია 550 სომეხი სამხედრო.

მისივე ინფორმაცით, განადგურებულია სომხეთის შეიარაღებული ძალების 22 ტანკი, 18 უპილოტო საფრენი აპარატი, ასევე 15 ერთეული საზენიტო-სარაკეტო კომპლექსი და რვა საარტილერიო დანადგარი.

27 სექტემბერს, აზერბაიჯანის თავდაცვის სამინისტრომ განაცხდა, რომ სომეხმა სამხედროებმა ცეცხლი გაუხსნეს დასახლებულ პუნტქებს ყარაბაღის კონფლიქტის ზონაში. სომხეთი კი თავის მხრივ იუწყებოდა, რომ აზერბაიჯანმა ყარაბაღში საჰაერო და სარაკეტო იერიშები მიიტანა. სომხეთსა და აზერბაიჯანში, ასევე მთიან ყარაბაღში გამოცხადებულია საომარი მდგომარეობა.

გავრცელებული ინფორმაციით, ყარაბაღის კონფლიქტის ზონაში, შეხების ხაზზე საომარი მოქმედებები დღეს დილიდან განახლდა.