ევროკომისიამ უკრაინას 2.86 მილიარდი ევრო გამოუყო უკრაინის მხარდაჭერის 90 მილიარდი ევროს ოდენობის სესხის თავდაცვის კომპონენტის ფარგლებში - ამის შესახებ ინფორმაციას ევროკომისია ავრცელებს. 

განცხადებაში წერია, რომ გამოყოფილი თანხა მოხმარდება დრონების, საჰაერო თავდაცვის სისტემების, რაკეტების, რადარების, ელექტრონული ბრძოლის სისტემებისა და საბრძოლო მასალის შეძენას.

„დღეს ევროკომისიამ უკრაინას 2.86 მილიარდი ევრო გამოუყო უკრაინის მხარდაჭერის 90 მილიარდი ევროს ოდენობის სესხის თავდაცვის კომპონენტის ფარგლებში . დაფინანსება დრონების, საჰაერო თავდაცვის სისტემების, რაკეტების, რადარების, ელექტრონული საბრძოლო სისტემებისა და საბრძოლო მასალის შესაძენად იქნება განკუთვნილი .

ევროკომისიის პრეზიდენტმა, ურსულა ფონ დერ ლაიენმა , განაცხადა: „ რუსეთი ფრონტის ხაზზე დგას და აგრძელებს საჰაერო თავდასხმების ესკალაციას - სასტიკად ესხმის თავს უკრაინელ მშვიდობიან მოსახლეობას და ინფრასტრუქტურას. ევროპის ურყევი მხარდაჭერა უფრო მნიშვნელოვანია, ვიდრე ოდესმე, რათა დაეხმაროს უკრაინას თავისი ცის დაცვასა და სიცოცხლის გადარჩენაში. დღევანდელი 2.86 მილიარდი ევროს ოდენობის გამოყოფით, ჩვენ ვაგრძელებთ უკრაინის ყველაზე სასწრაფო ოპერატიული საჭიროებების დაკმაყოფილებას, მათ შორის დრონებისა და რაკეტების, რომლებიც სასიცოცხლოდ მნიშვნელოვანია მისი თავდაცვისთვის.“ 

უკრაინის მხარდაჭერის სესხი მოიცავს დაფინანსებას, რომლის საორიენტაციო განაწილებაც 60 მილიარდ ევროს შეადგენს თავდაცვისთვის და 30 მილიარდ ევროს საბიუჯეტო დახმარებისთვის 2026-2027 წლებისთვის. მხოლოდ 2026 წელს, უკრაინის თავდაცვის ინდუსტრიული შესაძლებლობების მხარდასაჭერად დაგეგმილია 28.3 მილიარდი ევროს გამოყოფა. ინსტრუმენტის 2026 წლის თავდაცვის ნაწილის ფარგლებში შემდგომი გამოყოფა მომდევნო კვირებში გაგრძელდება .  

მაშინ, როდესაც უკრაინა რუსეთის სრულმასშტაბიანი შეჭრის შემდეგ მეოთხე ზამთრისთვის ემზადება , თავდაცვითი აღჭურვილობის სასწრაფო მიწოდება უზრუნველყოფს, რომ უკრაინის შეიარაღებულ ძალებს შეეძლოთ თავიანთი მშვიდობიანი მოსახლეობისა და ქალაქების დაცვა რუსული თავდასხმებისგან .  

დაფინანსების ყველა გადაწყვეტილება პასუხობს უკრაინის ცვალებად საჭიროებებს და ექვემდებარება შეთანხმებულ პირობებსა და მონიტორინგს. 2022 წლიდან ევროკავშირმა და მისმა წევრმა სახელმწიფოებმა უკრაინას საერთო ჯამში 2 31.5 მილიარდი ევროს მხარდაჭერა გამოუყვეს , მათ შორის 3.8 მილიარდი ევრო რუსული იმობილიზებული აქტივებიდან მიღებული თანხებიდან. 

2026 წლის დარჩენილი პერიოდისთვის უკრაინას ფინანსური დახმარების სახით კვლავ 29.64 მილიარდი ევრო აქვს ხელმისაწვდომი . ეს მოიცავს 25.24 მილიარდ ევროს უკრაინის მხარდაჭერის სესხის ფარგლებში გასაცემი თანხის , 12.54 მილიარდი ევროს უკრაინის თავდაცვის ინდუსტრიული შესაძლებლობების მხარდასაჭერად და 12.7 მილიარდ ევროს ბიუჯეტის მხარდაჭერისთვის. გარდა ამისა, წელს უკრაინის დახმარების საწყისი ინსტრუმენტის ფარგლებში კვლავ ხელმისაწვდომია 4.4 მილიარდი ევროს ბიუჯეტის მხარდაჭერა . შესაბამისად , 2026 წლის დარჩენილი თვეებისთვის 17 მილიარდ ევროზე მეტი ბიუჯეტის მხარდაჭერაა ხელმისაწვდომი , უკრაინის გეგმასა და ურთიერთგაგების მემორანდუმში ასახული შესაბამისი პირობების შესრულების პირობით“, - წერია განცხადებაში